Futbol bellashuvlari qizg‘in ruhda o‘tdi

O‘zbekiston xalqaro islom akademiyasi talabalari orasida sog‘lom turmush tarzini shakllantirish, sport bilan muntazam shug‘ullanishi uchun shart-sharoit yaratish maqsadida mini futbol bo‘yicha “Dekan kubogi” bahslari o‘tkazildi. 

Islom iqtisodiyoti va xalqaro munosabatlar fakulteti tomonidan “Oltin davrim” shiori ostida o‘tkazilgan bellashuvlar qizg‘in va murosasiz ruhda o‘tdi. G‘oliblik uchun 14 jamoa kurash olib bordi. 

Musobaqa yakunida “Xalqaro munosabatlar” yo‘nalishi 3-bosqich talabalari jamoasi “Dekan kubogi” sovrinini qo‘lga kiritdi. G‘olib va sovrindorlarga fakultet dekani Xabibullo Sadibaqosev tomonidan esdalik sovg‘alari va kubok topshirildi.

O‘zbekiston xalqaro islom akademiyasi

Matbuot xizmati