Magistrlar uchun sohaga oid mahorat darslari o‘tkazilmoqda

O‘zbekiston xalqaro islom akademiyasida Ekologiya qo‘mitasi matbuot xizmati rahbari Bunyod Abdullayev bilan mahorat darsi o‘tkazildi.

Amaliy mashg‘ulotda “Xalqaro munosabatlar va ijtimoiy fanlar” kafedrasi o‘qituvchisi, PhD Madina Nuriddinova hamda “Jurnalistika (Internet jurnalistika)” yo‘nalishi 1-bosqich magistrlari qatnashdi.

Mahorat darsida yurtimizda ekologik vaziyat, ekologik muammolarning ommaviy axborot vositalarida yoritilishi, ekolog-jurnalist ixtisoslashuvi haqida so‘z yuritildi. Interaktiv metodlar orqali tashkil etilgan binar darsda ishtirokchilar o‘zlari uchun foydali ma’lumotlarga ega bo‘lishdi.

Yakunda magistrlar o‘zlarini qiziqtirgan savollar bilan murojaat qilishdi.