O‘zbekiston xalqaro islom akademiyasiga Davlat akkreditatsiyasidan o‘tganlik to‘g‘risida sertifikat topshirildi

O‘zbekiston Respublikasi Oliy ta’lim, fan va innovatsiyalar vazirligi tomonidan O‘zbekiston xalqaro islom akademiyasiga Davlat akkreditatsiyasidan o‘tganlik to‘g‘risida sertifikat topshirildi.

Ushbu hujjat O‘zbekiston xalqaro islom akademiyasining davlat oliy ta’lim muassasasi sifatida Akademiya maqomiga muvofiqligini tasdiqlaydi va bitiruvchilarga mazkur sertifikatga ilovaga muvofiq ta’lim yo‘nalishlari, mutaxassisliklar va dasturlari, bosqichlari, ixtisosliklar, kurslar va kasblar bo‘yicha davlat namunasidagi ta’lim to‘g‘risida hujjatlar berish huquqini kafolatlaydi.

Darhaqiqat, keyingi yillarda Oʻzbekiston xalqaro islom akademiyasida xassos soha — muqaddas islom dinini ilmiy nuqtayi nazardan, fundamental tadqiq etish, ulugʻ allomalar maʼnaviy merosini qayta kashf etish orqali dunyo sivilizatsiyasiga munosib hissa qoʻshadigan yuksak salohiyatli mutaxassis-kadrlar tayyorlashga alohida e’tibor berilmoqda.

Mazkur natija bilan O‘zbekiston xalqaro islom akademiyasi rahbariyati va jamoasi barcha professor-o‘qituvchilar, xodimlar hamda talabalarni muborakbod etadi.

O‘zbekiston xalqaro islom akademiyasi

Matbuot xizmati