Jaholatga qarshi maʼrifat

Ayni kunlarda Imom Moturidiy, Imom Buxoriy, Imom Termiziy xalqaro ilmiy-tadqiqot markazlari hamda Oʻzbekistondagi Islom sivilizatsiyasi markazi ilmiy xodimlaridan iborat targʻibot guruhlari tomonidan Andijon, Namangan va Fargʻona shaharlarida “Jaholatga qarshi maʼrifat” ezgu gʻoyasi ostida qator maʼnaviy-maʼrifiy tadbirlar oʻtkazilmoqda.

Tadbirlarda maʼruzachilar tomonidan tinglovchilarga yurtimizda diniy-maʼrifiy sohada amalga oshirilayotgan keng koʻlamli islohotlarning mazmun-mohiyati, shuningdek, islomning tinchlikparvarlikka asoslangan maʼrifiy din ekaniga oid ilmiy asoslangan maʼlumotlar taqdim qilinmoqda.