Akademiyada esselar tanlovi o‘tkazildi

Bugun O‘zbekiston xalqaro islomshunoslik akademiyasida “Dinlararo muloqot – bag‘rikenglik va hamkorlik omili” nomli esselar tanlovi bo‘lib o‘tdi.

“Dinshunoslik va jahon dinlarini qiyosiy o‘rganish UNESCO” kafedrasi tomonidan “Dolzarb 90 kunlik” doirasida tashkil etilgan tanlovda 30 ga yaqin talabalar qatnashdi.

Tanlov avvalida Tashkiliy qo‘mita a’zolari tomonidan esse yozish tartibi, qoidalari haqida ma’lumot berildi. 

Tashkiliy qo‘mita vakillari jarayonni adolatli va shaffof o‘tishini nazorat qilib bordilar.

Aytish joizki, Tashkiliy qo‘mita tomonidan esselar ko‘rib chiqiladi va eng yaxshi deb topilgan uchta esse saralab olinadi.

G‘olib va sovrindorlarni taqdirlash esa iyun oyi oxirida o‘tkaziladigan “Bitiruv oqshomi” tadbirida bo‘lib o‘tadi.