Ma’rifiy tadbir

O‘zbekiston xalqaro islom akademiyasida “Islom iqtisodiyoti va xalqaro munosabatlar” fakulteti tomonidan ma’naviy-ma’rifiy tadbir bo‘lib o‘tdi. “Onamga o‘xshaydi mening Vatanim!” mavzusida tashkil etilgan ijodiy uchrashuvni Akademiya Xotin-qizlar bo‘limi boshlig‘i, pedagogika fanlari nomzodi, dotsent Sayyora Chiniyeva kirish so‘zi bilan ochib berdi. 

Tadbirda Yoshlar bilan ishlash, ma’naviyat va ma’rifat bo‘limi boshlig‘i Muallam Zufarova, Xotin-qizlar bo‘limi uslubchisi Laylo Saidova, professor-o‘qituvchilar hamda talabalar ishtirok etdi.

Davra suhbati davomida Akademiya talaba-qizlarining ijodiy ishlari, taqdimotlari namoyish etildi. Talabalar tomonidan Vatan, ota-ona, insoniylik tuyg‘ulari tarannum etilgan she’rlar, fikr-mulohazalari yig‘ilganlar e’tiboriga havola qilindi.

Tadbir yakunida talabalar mazmunli davra suhbati uchun tashkilotchilarga minnatdorlik bildirishdi.

O‘zbekiston xalqaro islom akademiyasi

Matbuot xizmati