Saudiyalik ikki olima UNESCOning Yosh iste’dodlar mintaqaviy dasturining mukofotiga sazovor bo‘ldi

Bu haqida islam.ru sayti ma’lumot bermoqda. Manbada yozilishicha, ulardan biri 27 yoshli Asrara Damdam bemorlarda yurak urishini o‘lchash uslubini butunlay o‘zgartiradigan, murakkab yurak kasalliklarini aniqlash va davolashga imkon beradigan moslamani ishlab chiqargan.

Olima 2018-yilning avgust oyida Qirol Abdulla nomidagi Fan va Texnologiya universitetini (KAUST) tugatgan. Yana  bir saudiyalik olima ayol Lama al-Abdi xromatin - DNK va oqsildan tashkil topgan xromosomalar moddasi va ko‘rish qobiliyatini pasayishiga ta’sir qiluvchi genlarni boshqarish bo‘yicha tadqiqotlari uchun boshqa bir mukofotga sazovor bo‘ldi.

– Mening tajribalarim DNKni o‘zgartirmaydi, lekin atrof-muhit bilan o‘zaro ta’sirini o‘zgartiradi, – deydi Al-Abdi. – Mazkur o‘zgarishlar avloddan avlodga o‘tishi mumkin. Ular rivojlanish, embriogenez, saraton, semirish, diabet, murakkab kasalliklar, shuningdek, biz kuzatadigan har qanday ko‘z anormalliklari kabi juda oddiy kasalliklarda juda muhim rol o‘ynaydi.