136

Akademiya o‘qituvchilari Rim shahridagi xalqaro konferensiyada qatnashdi

Italiyaning Rim shahrida “Turli diniy an’analardan Fratelli Tuttiga javoblar” mavzusida IX xalqaro konferensiyasi bo‘lib o‘tdi.

Mazkur anjumanda O‘zbekiston xalqaro islom akademiyasining “Dinshunoslik va jahon dinlarini qiyosiy o‘rganish UNESCO” kafedrasi o‘qituvchilari Mohira Abdullayeva va Laziza Alidjanova ishtirok etdi.

“Bioetika, multikulturalizm va din” loyihasi doirasida tashkil etilgan xalqaro konferensiya Rimning “Universita Europea di Roma” va “Ateneo Pontificio Regina Apostolorum” universitetlarida tashkil etilgan UNESCOning Bioetika va inson huquqlari bo‘yicha kafedrasi tomonidan o‘tkazildi. 

Shu kunga qadar, loyiha doirasida Quddus (2009), Rim (2011), Gonkong (2013), Meksika (2014), Xyuston (2016), Rim (2018), Kasablanka (2019), Bangkok (2022) va Rim (2023) shaharlarida “Bioetika, multikulturalizm va din” mavzusida 9 ta xalqaro konferensiya va seminar o‘tkazilgan. 

Ushbu ilmiy konferensiyalar buddaviylik, nasroniylik, konfutsiylik, hinduiylik, islom, yahudiylik kabi jahon dinlari doirasida kelgan bioetika bo‘yicha mutaxassislar o‘rtasida global etika bo‘yicha yaqinlashuv va hamkorlikni rivojlantirishga qaratilgan.

Izoh qoldirish