Haftalik doirasida Ichki ishlar vazirligi Akademiyasida davra suhbati o‘tkazildi

Ichki ishlar vazirligi Akademiyasida “Vijdon erkinligi boʻyicha inson huquqlari haftaligi” doirasida davra suhbati tashkil etildi. 

Davra suhbatidan oldin Ichki ishlar vazirligi Akademiyasi faoliyati bilan tanishish maqsadida “Zamonaviy AKT” kafedrasi professor-o‘qituvchilari va talabalari uchun sayyor tur tashkil qilindi.

Davra suhbatida O‘zbekiston Respublikasi Din ishlari bo‘yicha qo‘mitasining Axborot-tahlil va targ‘ibot ishlarini tashkil etish boshqarmasi Bosh mutaxassisi Jahongir Meliqo‘ziyev, Oʻzbekiston xalqaro islomshunoslik akademiyasi Islom iqtisodiyoti va xalqaro munosabatlar fakulteti dekani Farhod Karimov, “Zamonaviy axborot-kommunikatsiya texnologiyalari” kafedrasi mudiri Qurbon Raxmanov, Ichki ishlar vazirligi Akademiyasi shaxsiy tarkibi va kursantlari hamda Akademiya professor-o'qituvchilari va talabalari ishtirok etishdi. 

Islom iqtisodiyoti va xalqaro munosabatlar fakulteti dekani F.Karimov “O‘zbekiston Respublikasida diniy sohadagi davlat siyosati: maqsad, vazifa va prinsiplar”, Jahongir Meliqo‘ziyev “Dunyoviy davlatni shakllantirishning ustuvor yo‘nalishlari va institutsional mexanizmlari” mavzularida ma'ruzalar qildilar.