Akademiyada o‘quv mashg‘ulotlari o‘tkazildi

O‘zbekiston xalqaro islomshunoslik akademiyasida professor-o‘qituvchilar uchun 2025/2026-o‘quv yili qishki ta’til kunlariga mo‘ljallangan o‘quv mashg‘ulotlari davom etmoqda.

Bugun “Raqamli ta’limiy resurslarni ishlab chiqish usullari” hamda “HEMIS axborot tizimidagi so‘nggi o‘zgarishlar va o‘quv jarayonlarini raqamlashtirish muammolari” kabi mavzularda ma’ruza darslari o‘tkazildi.

Mazkur darslar Oliy ta’lim, fan va innovatsiyalar vazirligining “Barcha oliy, o‘rta maxsus va kasbiy ta’lim tashkilotlari talabalari va o‘quvchilarining qishki ta’til davrini mazmunli o‘tkazish hamda professor-o‘qituvchilar uchun seminarlar tashkil etish to‘g‘risida”gi buyrug‘i ijrosini ta’minlash doirasida tashkil etilmoqda.

Seminar davomida mavzular doirasida ma’lumot berildi. 

Shuningdek, kuzgi semester yakuniy nazoratlariga tayyorgarlik, me’yoriy-uslubiy hujjatlar bilan ishlash bo‘yicha mustaqil ta’lim darslari ham bo‘lib o‘tdi.