Boku şahrida “Madaniyatlararo muloqot böyiça VII Butunjahon forumi” ötkazildi

Joriy yilning 26-28-oktabr kunlari Özbekiston Respublikasi Prezidentining diniy-maʼrifiy masalalar böyiça maslahatçisi, Özbekiston xalqaro islomşunoslik akademiyasi rektori Muzaffar Kamilov boşçiligidagi yurtimiz delegatsiyasi Boku şahrida ötkazilgan “Madaniyatlararo muloqot böyiça VII Butunjahon forumi”da iştirok etiş uçun Ozarbayjon Respublikasiga xizmat safarini amalga oşirdi.

Forumda 2000 dan ortiq röyxatdan ötgan iştirokçi, jumladan, 100 dan ortiq mamlakatdan kelgan 500 dan ziyod xorijlik mehmon qatnaşdi.

Nufuzli anjumanni Ozarbayjon Respublikasi Prezidenti Ilhom Aliyev oçib berarkan, öz nutqida harbiy mojarolar, siyosiy qutblaşuv, ijtimoiy tengsizlik, diniy va milliy bağrikenglikning susayişi kabi tahdidlar ortib borayotganini qayd etib, muloqot nizolarning oldini oliş, işonçni tiklaş va tinçlikni taʼminlaş vositasi sifatida qaralişi kerakligiga urğu berdi.

Sözga çiquvçilar jamiyatdagi parçalaniş va qutblaşuv, ksenofobiya, sunʼiy intellektdan notöğri foydalanish oqibatlari kabi muammolarga eʼtibor qaratib, dunyoviylik, multikulturalizm va dinlararo hamjihatlik mustahkamlaş böyiça amaliy takliflarni muhokama qildilar.