Jaholatga qarshi – maʼrifat bilan kurash!

Bugun Yunus Rajabiy nomidagi O‘zbek milliy musiqa san’ati institutida “Jaholatga qarshi – maʼrifat bilan kurash!” mavzusida davra suhbati o‘tkazildi.

Unda O‘zbekiston xalqaro islomshunoslik akademiyasi “Arab tili va adabiyoti al-Azhar” kafedrasi dotsenti Yorqin Shukurov mavzu yuzasidan ma’ruza qildi.

Suhbat davomida ma’naviyat va axloqiy qarashlarning o‘zgarishi, diniy ekstremizm va terrorchi uyushmalar, hakkerlar va jinoyatlar, ma’rifat va axloqiy o‘rganishning kuchayishi kabi muammoli mavzular ko‘tarildi.

Shuningdek, jamiyatimizda yoshlar tomonidan qanday xato va kamchiliklarga yo‘l qo‘yilayotgani haqida ham to‘xtalinib, har bir yosh vatanni sevishi, katta marralarni zabt etishi ularning oldida turgan eng katta maqsadi ekanini qayd etdi.

Davra suhbati davomida talabalar mavzu yuzasidan o‘zlarini qiziqtirgan savollarga javob oldilar.