“Islom tarixi va manbashunosligi IRCICA” kafedrasi

2019-yil 19-aprelda O‘zbekiston delegasiyasining Turkiya Respublikasiga xizmat safari mobaynida Islom hamkorlik tashkiloti (IHT)ning Islom tarixi, san’ati va madaniyati ilmiy-tadqiqot markazi (Research Centre for Islamic History, Art and Culture — IRCICA) bilan Memorandum imzolandi.

Memorandum asosida O‘zbekiston xalqaro islom akademiyasining  Islomshunoslik fakulteti tarkibidagi “Islom tarixi va manbashunosligi” kafedrasi negizida “Islom tarixi va manbashunosligi – IRCICA” (“IRCICA Chair for Islamic History and Source Studies”) kafedrasi tashkil etiladi.

Bu kafedraning ochilishi boy tarixiy, ilmiy, moddiy-ma’naviy merosimizni saqlash va kelajak avlodga yetkazish, islom tarixi va madaniyati rivojiga beqiyos hissa qo‘shgan Markaziy Osiyo va Yaqin Sharq mutafakkirlarning ulkan ilmiy va diniy merosini o‘rganish, ular yozgan ilmiy asarlarini tadqiq etishga xizmat qiladi. Ushbu ilmiy-ma’naviy merosni o‘rganish va ularni talabalar o‘rtasida keng targ‘ib qilish, ushbu mavzularga yosh iqtidorli talabalarni jalb etgan holda ilmiy-tadqiqotlarni tizimli tashkil etishga erishiladi. Shuningdek, Sharq olimlarining bag‘rikenglik, tinchlik va ma’rifat g‘oyalari bilan yo‘g‘rilgan  ilmiy merosini har tomonlama o‘rganish va ommalashtirish imkonini beradi.

1. КAFEDRANING ASOSIY MAQSADI, VAZIFALARI VA YO‘NALISHLARI

“Islom tarixi va manbashunosligi IRCICA” kafedrasini tashkil etishdan ko‘zlangan asosiy maqsad – Islom tarixi, manbashunosligi va madaniyati sohasidagi ta’lim jarayoni, ilm-fan yo‘nalishidagi tadqiqot ishlari, loyihalar va dasturlarni o‘rganish, Islom tarixi, manbashunosligi, san’ati va madaniyatini yanada chuqur o‘rganishga qaratilgan yangi tizimli dasturlar va loyihalarni ishlab chiqish hamda yangi avlod o‘quv va ilmiy adabiyotlarini yaratishdan iboratdir.

Shuningdek, IRCICAning salohiyatli va tajribali professor-o‘qituvchilar va mutaxassislarini O‘zbekiston xalqaro islom akademiyasiga jalb etish, Akademiya professor-o‘qituvchilari hamda tadqiqotchilarini qisqa va uzoq muddatli malaka oshirish, stajirovkalar o‘tashi uchun IRCICAga yuborish, tashkil etiladigan konferensiya, simpozium, seminar-treninglarida mutaxassis va soha olimlari ishtirokini ta’minlash, ilmiy-tadqiqot ishlarini hamkorlikda bajarishdan iboratdir.

Кafedraning asosiy yo‘nalishlari:

— Islom tarixi, madaniyati va manbashunosligini yoritishda diniy, tarixiy jarayonlarga ilmiy va tahliliy yondoshish hamda mavjud manbalarni ilmiy izlanishlar asosida tahlil etish va to‘plangan materiallarni nashr etish,

— “Islom tarixi va manbashunosligi” bilim sohasi bo‘yicha mutaxassislarni tayyorlash;

— kafedra professor-o‘qituvchilari tomonidan “Islom tarixi”, “Islom manbashunosligi” va “Islom madaniyati va san’ati” maxsus o‘quv kurslari bo‘yicha talabalarga chuqurlashtirilgan ta’lim berish;

— Markaziy Osiyo xalqlari madaniyati, diniy an’ana va urf-odatlari” mavzusiga oid ilmiy tadqiqotlar olib borish;

— islom tarixi, madaniyati va manbashunosligiga oid ilmiy tadqiqotlar olib borish, ilmiy-amaliy loyihalarni bajarish, PhD, DcS dissertasiyalar himoyasini amalga oshirish;

Кafedra faoliyatining asosiy yo‘nalishlari:

• Islom tarixi, madaniyati va manbashunosligini tadqiq etish va o‘qitishga oid  xorijiy dasturlarni o‘rganib, yangi dasturlarni tayyorlash, darslik va o‘quv qo‘llanmalarni yozish va nashrdan chiqarish;
• Islom tarixi, madaniyati va manbashunosligini tadqiq etishda IRCICA tajribasi asosida kafedraning bosh ilmiy-tadqiqot yo‘nalishini belgilash;
• IRCICA hamda O‘zbekiston xalqaro islom akademiyasi professor-o‘qituvchilari bilan hamkorlikda yangi avlod ilmiy, o‘quv-metodik adabiyotlarni tayyorlash va nashr etish;
• O‘zbekiston Respublikasi Innovatsiya vazirligi tomonidan e’lon qilinadigan fundamental, amaliy, innovasion loyihalar tanlovida ishtirok etish;
• IRCICA doirasida tashkil etiladigan xalqaro ilmiy-tadqiqot loyihalar, grantlar, tanlovlar va xalqaro konferensiyalarda ishtirok etish;
• kafedraning asosiy ilmiy yo‘nalishiga doir ilmiy-tadqiqot ishlari natijalarini reja asosida ilmiy anjumanlarda, ilmiy to‘plamlarda e’lon qilish;
• talabalarning malakaviy amaliyoti, kurs loyihalari (ishlari), bitiruv malakaviy ishlari, magistrlik dissertasiyalari, shuningdek, ilmiytadqiqot ishlariga rahbarlik qilish;
• o‘quv mashg‘ulotlarida zamonaviy texnika vositalaridan, yakka tartibda o‘qitish va mustaqil ta’lim olish uslublaridan samarali foydalanishni yo‘lga qo‘yish, o‘qitishning zamonaviy usullari va vositalari bilan masofali o‘qitish elementlarini rivojlantirish.
   

Кafedraning ilmiy faoliyati:

— “Islom tarixi va manbashunosligi IRCICA” kafedrasi faoliyatida tegishli mavzular bo‘yicha ilmiy-amaliy loyihalar amalga oshirish;

— Islom tarixi, manbashunosligi va madaniyati bo‘yicha manbashunoslik, madaniyatshunoslik, san’atshunoslik, etnografiya, numizmatika, toponimika va kalligrafiya sohalardagi loyiha va ilmiy tadqiqotlarda ishtirok etish;

— O‘zbekiston va Turkiyada saqlanayotgan yurtimiz allomalarining nodir asarlarini ommalashtirishga yo‘naltirilgan loyihalar doirasidagi ilmiy tadqiqot ishlarida faoliyat yuritish.

1. КAFEDRANING INNOVATSION KORPORATIV HAMKORLIGI

Kafedra xususiyatiga to‘g‘ri keladigan quyidagi tashkilotlar bilan shartnoma asosida hamkorlik aloqalari o‘rnatilgan:  
O‘zR FA Tarix instituti, O‘zR FA Abu Rayhon Beruniy nomidagi Sharqshunoslik instituti, O‘zbekistondagi islom sivilizatsiyasi markazi, Imom Buxoriy nomidagi Toshkent islom instituti, O‘zR FA O‘zbekiston tarixi davlat muzeyi, Temuriylar davri tarixi muzeyi, O‘zRVM huzuridagi “Qatag‘on qurbonlari xotirasi davlat muzeyi,  Imom Buxoriy xalqaro ilmiy tadqiqot markazi; Imom Termiziy xalqaro ilmiy tadqiqot markazi; O‘zR Milliy arxivi, O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi Madaniyat vazirligi, O‘zbekiston Respublikasi Turizmni rivojlantirish davlat qo‘mitasi va boshqalar.

1. КAFEDRANING TARKIBIY TUZILISHI

Кafedrada faoliyat ko‘rsatayotgan professor-o‘qituvchilarчилар:

F.I.Sh.: Muxamedov Ne’matullo  Asatullayevich

Lavozimi: kafedra mudiri

Ilmiy darajasi: tarix fanlari doktori                                                                          

Ilmiy tadqiqot yo‘nalishlari: dinshunoslik, islom tarixi va manbashunosligi, dunyo dinlari tarixi hamda Shosh (Toshkent) vohasi olimlari faoliyati va ilmiy-ma’naviy merosini tadqiq etish.

Chet tillarini bilishi: rus va arab tillari

Asosiy ilmiy ishlari: 100 ga yaqin ilmiy ishlar, 4 ta monografiya, 1 ta xrestomatiya, 5 ta o‘quv qo‘llanma  nashr etilgan.

Elektron manzil: n.mukhamedov@iiau.uz

F.I.Sh: Xasanov Axadjon Axmedjanovich

Ilmiy darajasi: tarix fanlari doktori

Ilmiy unvoni: professor

Ilmiy tadqiqot yo‘nalishlari: Qadimgi Arabiston tarixi va uni o‘rganish  muammolari.    

Chet tillarni bilishi: arab, rus tillari.

Asosiy ilmiy ishlari: 100 ga yaqin ilmiy ishlar, 4 ta monografiya, 1 ta darslik, 5 ta o‘quv qo‘llanma nashr etilgan.

Elektron manzil: axadjonxasanov@mail.ru

F.I.Sh: Agzamxodjayev Saidakbar Saidovich

Lavozimi va ilmiy unvoni: professor

Ilmiy darajasi: tarix fanlari doktori

Ilmiy tadqiqot yo‘nalishlari: XX asr boshida Markaziy Osiyodagi ijtimoiy-siyosiy, madaniy jarayonlar va jadidchilik harakati, xususan, Turkiston Muxtoriyati tarixi bilan bog‘liqdir.

Chet tillarini bilishi: rus, arab, ingliz tillari

Asosiy ilmiy ishlari: Olim tarix va islomshunoslik bo‘yicha olib borgan ilmiy izlanishlari yuzasidan 5 ta monografiya, 15 ta o‘quv-uslubiy dastur va qo‘llanma, 100 dan ortiq ilmiy va ilmiy–ommabop maqolalar 20 ortiq xorijiy ilmiy nashrlar muallifidir.

Elektron manzil: saidakbar1953@gmail.com

F.I.Sh.: Fuzailova Govxar Siddikovna

Lavozimi: dotsent, tarix fanlari nomzodi

Chet tillarini bilishi: rus va ingliz tillari                                                                

Ilmiy tadqiqot yo‘nalishlari: manbashunoslik, tarixshunoslik, tarix o‘qitish metodikasi, pedagoggik texnologiyalar, ta’lim jarayoniga innovasion texnologiyalarini tadqiq etish. Rahbarligida 1ta fan nomzodi  yetishib chiqdi.

Asosiy ilmiy ishlari:100 ga yaqin ilmiy ishlar, 1 ta darslik, 7 ta o‘quv qo‘llanma, 7 ta metodik qo‘llanma nashr etilgan.

El. manzil: gavhar.fuzailova@mail.ru

F.I.Sh. Nasrullayev Ne’matullo Hikmatullayevich

Lavozimi: katta o‘qituvchi, tarix fanlari nomzodi

Chet tillarini bilishi: rus, ingliz, turk va arab tillari                                            

Ilmiy tadqiqot yo‘nalishlari: umumiy tarix, islom tarixi, matnshunoslik va manbashunoslik, kodikologiya, hujjatshunoslik fanlari hamda Nasaf shahri ilmiy-muhitini tadqiq etish.

Asosiy ilmiy ishlari: 60 ga yaqin ilmiy nashrlar, 2 ta monografiya, 6 ta risola,     1 ta o‘quv qo‘llanma, 1 ta darslik  nashr etilgan.

El. manzil: n.nasrullaev@iiau.uz

F.I.Sh.: Xatamov Toxir Abdumutalovich

Lavozimi: tarix fanlari nomzodi, dotsent        

Ilmiy tadqiqot yo‘nalishlari: O‘zbekiston tarixi, Markaziy Osiyo xalqlari madaniyati, diniy an’ana va urf-odatlari, ta’lim tarixi, jadidchilik ma’rifati, sharq mutafakkirlari ilmiy merosi, Rossiya imperiyasi va sovet hukumati davrida O‘zbekistonda Islom  dini mavzulari bo‘yicha tadqiqot ishlari.

Asosiy ilmiy ishlari: 40 dan ortiq ilmiy ishlar, xorijiy maqolalar, risola va 2 ta o‘quv qo‘llanma  nashr etilgan.

El. manzil: t.xatamov@mail.ru

F.I.Sh.: Ganiyev Avazbek Oybekovich

Lavozimi: katta o‘qituvchi, PhD

Ilmiy tadqiqot yo‘nalishlari: Islomshunoslik, Islom sivilizatsiyasi tarixi, zakot, vaqf, musulmon mamlakatlari ta’lim tizimi, musulmon o‘lkalarida kolonial zakot tizimlari.

Asosiy ilmiy ishlari: 10 dan ortiq ilmiy nashrlar va 1 monografiya nashr etilgan.

El.manzil: a.ganiev@iiau.uz

F.I.Sh.: Toxtiyev Shuxrat Rustamovich

Lavozimi: o‘qituvchi

Chet tillarini bilishi: rus va fors tillari                                                                    

Ilmiy tadqiqot yo‘nalishlari: dinshunoslik, islomshunoslik, islom tarixi va manbashunosligi, dunyo dinlari tarixi hamda shia jamoalari tarixi.

Asosiy ilmiy ishlari: 30 ga yaqin ilmiy ishlar, 2 ta o‘quv qo‘llanma va 1 ta uslubiy qo‘llanma nashr etilgan.

El. manzil: sh.toxtiev@iiau.uz

F.I.Sh.: Zinatullayev Ziyodilla Izzatilla o‘g‘li

Lavozimi: o‘qituvchi

Chet tillarini bilishi: ingliz va rus tillari

Ilmiy tadqiqot yo‘nalishlari: Tarix, islom tarixi va manbashunosligi, islomning Markaziy Osiyoga yoyilishi va boshqaruv tizimining o‘zgarishi mavzusida tadqiqot olib boradi.

Asosiy ilmiy ishlari: 40 ga yaqin ilmiy ishlar, 1 ta risola, 2 ta o‘quv qo‘llanma  nashr etilgan.

El. manzil: ziynatullayev90@mail.ru

F.I.Sh.: Joniyev Muzaffarxon Fayzullayevich

Lavozimi: stajyor o‘qituvchi

Chet tillarini bilishi: arab, fors, turk tillari                                                            

Ilmiy tadqiqot yo‘nalishlari: dinshunoslik, islomshunoslik, islom tarixi va manbashunosligi, O‘zbekiston tarixi,  XIX asr oxiri – XX asrning 80 yillarida O‘zbekiston musulmonlarining haj safarlarini tadqiq etish.

Asosiy ilmiy ishlari: 25 ga yaqin ilmiy ishlari nashr etilgan.

El. manzil: m.joniev@iiau.uz