“Islomshunoslik va islom sivilizatsiyasini o‘rganish ICESCO” kafedrasi

“Islomshunoslik va islom sivilizatsiyasini o‘rganish ICESCO” kafedrasini tashkil etishdan maqsad – musulmon dunyosidagi ta’lim, ilm-fan va madaniyat tarixi hamda ularning hozirgi holatini o‘rganish va ular haqida talabalarga chuqurlashtirilgan maxsus bilimlarni berishdan iborat.

Ushbu maqsadda kafedrada ikkita asosiy ilmiy yo‘nalishda ilmiy tadqiqotlar olib boriladi:

Birinchidan, ajdodlar merosi, ilmiy asarlari, qo‘lyozmalarini tadqiq etish, ular asosida o‘quv va ilmiy adabiyotlar yaratish, risola, kitoblar yozish.

Ikkinchidan, musulmon jamiyatlaridagi ilm-fan, ta’lim va madaniyat tarixi, uning bugungi holati, istiqbollari, u yerdagi ilmiy va o‘quv muassasalari, ijtimoiy, ma’rifiy, madaniy, iqtisodiy hayot, ushbu mamlakatlar bilan hamkorlik istiqbollari kabilarni o‘rganish, ular bo‘yicha talabalarga fan va kurslar tashkil etish, tahliliy ma’lumotlar tayyorlash, ilmiy va o‘quv nashrlari tayyorlashdan iborat.

Kafedraning tashkil etilishi. 2016-yil 18-19-oktabr kunlari Islom hamkorlik tashkiloti Tashqi ishlar vazirlari kengashining navbatdagi 43-sessiyasi Toshkent shahrida “Ta’lim va ma’rifat — tinchlik va bunyodkorlik sari yo‘l” – shiori ostida bo‘lib o‘tdi. Unda O‘zbekiston Respublikasi Prezidenti Shavkat Mirziyoyev ishtirok etib, O‘zbekiston hayotida tarixiy voqea, ya’ni Toshkent islom universiteti tarkibida Ta’lim, fan va madaniyat masalalari bo‘yicha islom tashkiloti – ICESCOning Maxsus kafedrasini tashkil etish haqidagi tashabbusni taqdim qildi. Maxsus kafedraning rasmiy jarayonini tashkil etish maqsadida delegasiya 2017-yilning 22-26-may kunlari Marokash davlatida bo‘ldi. 24-may kuni delegatsiyasi Rabot shahrida joylashgan ICESCO Bosh qarorgohida tashkilot Bosh direktori Abdulaziz bin Usmon at-Tuveyjriy bilan hamkorlik masalalari yuzasidan tegishli muzokaralar o‘tkazdi hamda O‘zbekistonda islomshunoslik sohasida kadrlar tayyorlash masalasiga alohida e’tibor qaratilayotgani, ayniqsa diniy bag‘rikenglik va millatlararo totuvlik masalasidagi O‘zbekiston rahbariyatining tashabbuslari haqida atroflicha ma’lumot taqdim etdi. Uchrashuv yakuni bo‘yicha ICESCO Bosh direktori Ta’lim, fan va madaniyat masalalari bo‘yicha islom tashkiloti – ICESCOning “Islom sivilizatsiyasini o‘rganish ICESCO” Maxsus kafedrasini tashkil etish bo‘yicha anglashuv Memorandumi imzolandi.

2017-yil 26-avgust kuni Toshkent islom universitetida “Islom sivilizatsiyasini o‘rganish ICESCO” kafedrasining rasmiy ochilish marosimi bo‘lib o‘tdi. Shu munosabat bilan universitetda tashkil etilgan kafedraning ochilish marosimiga ICESCO Bosh direktori Abdulaziz Usmon at-Tuveyjriy  ishtirok etdi.

Toshkent islom universiteti negizida O‘zbekiston xalqaro islom akademiyasi tashkil etilgach, Akademiyaning 2019-yil 25-iyul oyidagi 01439–sonli buyrug‘i asosida kafedra nomi “Islomshunoslik va islom sivilizatsiyasini o‘rganish ICESCO”, deb nomlandi.

Bugungi kunda kafedrada 37 nafar professor-o‘qituvchi faoliyat olib bormoqda. Ulardan 7 nafar fan doktori, shundan 5 nafari professor, 15 nafar fan nomzodi, shundan 7 nafari dosent, 5 nafar katta o‘qituvchi va 10 nafar o‘qituvchi va stajyor-o‘qituvchilardan iborat. Kafedra tarkibida uzoq yillik pedagogik tajribaga ega professorlar hamda xorijiy mamlakatlarning yetakchi oliy ta’lim muassasalarida doktorlik dissertasiyalarini PhD darajasida himoya qilgan va faoliyat yuritgan falsafa doktorlari, shuningdek, xorijiy ta’lim muassasalarining professor-o‘qituvchilari faoliyat yuritib kelmoqda.

Кafedraning ilmiy salohiyati 59% ni tashkil etadi.

Kafedrada bakalavriat yo‘nalishida 18 ta, magistratura mutaxassisligida 33 ta, jami 51 ta islomshunoslikka oid fanlar o‘qitiladi. Shundan 7 ta fan xorijiy tilda (arab, ingliz) olib boriladi.

Kafedrada 1 nafar doktorant (DSc) va 24 nafar tayanch doktorant (PhD) ilmiy tadqiqot ustida ish olib bormoqda.

Kafedra professor-o‘qituvchilari tomonidan 2019-2020-o‘quv yili mobaynida 7 ta darslik, 7 ta monografiya, 11 ta risola, 14 ta o‘quv qo‘llanma, 3 ta o‘quv-uslubiy qo‘llanma, 45 ta maqola (OAK ro‘yxatida), 18 ta xorijiy maqola va 31 ta tezis materiallari nashr etilgan. Shuningdek, 4 ta o‘quv qo‘llanmaga patent va mualliflik guvohnomasi olingan.

Kafedrada 2019-2020-o‘quv yilida 1 ta bakalavriat yo‘nalishi va 5 ta magistratura mutaxassisliklari bo‘yicha kadrlar tayyorlanmoqda.

Bakalavriat yo‘nalishi:

• 5160100 – Islomshunoslik (Hadisshunoslik, Qur'onshunoslik, Islom huquqi, Aqida va tasavvuf)

Мagistratura mutaxassisliklari:

• 5А160101 – Qur'onshunoslik
• 5А120302 – Тarix (Islom sivilizatsiyasi)
• 5А160102 – Hadisshunoslik
• 5А160103 – Islom huquqi
• 5А160104 – Аqida, kalom ilmi va aqidaviy ta'limotlar

	Sagdiyev Xabibullo Yodgorovich, Dosent – islom tarixi va manbashunosligi Tarix fanlari bo‘yicha falsafa doktori PhD – Toshkent islom universiteti 1997-yil Toshkent davlat sharqshunoslik institutining Sharqshunos-filolog, arab tili va adabiyoti o‘qituvchisi mutaxassisligini tamomlagan Tel: 71/ 244-94-70 Elektron pochta manzili: eagle75@ mail.ru
	Bekmirzayev Ilxomjon Isroiljonovich, Tarix fanlari doktori (DcS) – Toshkent islom universiteti 2002-yil Toshkent davlat sharqshunoslik institutining Mintaqashunos-islomshunoslik mutaxassisligini tamomlagan. Tel: 71/ 244-94-70 Elektron pochta manzili: ilhom@iiau.uz
	Oqilov Saidmuxtor Saydakbarovich, Dotsent – islom tarixi va manbashunosligi Tarix fanlari nomzodi – Toshkent islom universiteti 1997-yil Toshkent davlat sharqshunoslik institutining Sharqshunos-filolog, arab tili va adabiyoti o‘qituvchisi mutaxassisligini tamomlagan Tel: 71/ 244-94-70 Elektron pochta manzili: saidmukhtor@mail.ru
	Muratov Doniyor Mahamatvaliyevich, Tarix fanlari nomzodi – Toshkent islom universiteti 1999-yil Toshkent davlat sharqshunoslik institutining Sharqshunos-tarixchi, arab tiliga ega dinshunos mutaxassisligini tamomlagan. Tel: 71/ 244-94-70 Elektron pochta manzili: doniyorhoji@mail.ru
	Ganiyev Avazbek Oybekovich, 2015-yil Toshkent davlat sharqshunoslik institutining xorijiy mamlakatlar iqtisodiyoti va mamlakatshunoligi mutaxassisi. 2019-yil Bruney Darussalom universitetini Islom tarixi va manbashunosligi bo‘yicha falsafa doktori PhD darajasini olgan. Tel: 71/ 244-94-70 Elektron pochta manzili: avaz-88@mail.ru
	Toxirov Jaxongir Abduvoxid o‘g‘li, 2006-yil Toshkent islom universitetining Islomshunoslik-dinshunoslik mutaxassisligini tugatgan. “Ali Qushchining “Sharh tajrid al-Kalom” asari – temuriylar davri kalom ilmiga oid muhim manba” mavzusida doktorlik dissertasiyasi (PhD) ustida izlanish olib bormoqda. Tel: 71/ 244-94-70 Elektron pochta manzili: jahontoh@mail.ru
	Palvanov Uktam Bazarbayevich, 2016-yil Toshkent islom universitetining “Dinshunoslik” mutaxassisligini tamomlagan. “Sa’duddin Taftazoniyning temuriylar davri moturidiya ta’limoti rivojiga qo‘shgan hissasi” mavzusida doktorlik dissertasiyasi (PhD) ustida izlanish olib bormoqda. Tel: 71/ 244-94-70 Elektron pochta manzili: palvanovuktam@iiau.uz